नेप्सेमा दोल्ती पावर र भूगोल इनर्जीको आईपिओ सुचिकृत,

काठमाडौं – नेपाल स्टक एक्सचेन्ज नेप्सेमा आज २ वटा कम्पनीको आईपिओ सुचिकृत भएको छ । आज दोल्ती पावर कम्पनी र भूगोल इनर्जी डेभलपमेन्ट कम्पनीको शेयर सुचिकृत भएको हो ।
नेप्सेले दोल्ती पावरको पहिलो कारोबारको लागि ८७ रुपैयाँ देखि २६१ रुपैयाँ सम्मको रेन्ज तोकेको हो । यस रेन्जको बीचमा रहेको जुनकै मूल्यबाट पहिलो कारोबार सुरु हुन सक्ने छ। नेप्सेले कम्पनीको पहिलो कारोबारको लागि कम्पनीको नेटवर्थको ३ गुणासम्मको मूल्य तोक्ने गरेको छ ।
त्यस्तै भूगोल इनर्जी डेभलपमेन्ट लिमिटेडको ५४ लाख ४० हजार ५ सय ३४ कित्ता शेयर सुचिकृत भएको हो । शेयर सुचिकृत भएसंगै बिहिबारबाट कम्पनीको शेयर कारोबार सुरु हुने छ । बिहीबारको स्पेसल प्रि ओपन सेसनमा पहिलो कारोबार भई मूल्य तय भएपछि नियमित सत्रमा कम्पनीको शेयर कारोबार हुने छ ।
कम्पनीको DOLTl सिम्बलबाट कारोबार हुने छ । नेप्सेले भूगोल इनर्जीको पहिलो कारोबारको लागि ६७.६३ रुपैयाँ देखि २०२.८९ रुपैयाँ सम्मको रेन्ज तोकेको छ । यस रेन्जको बीचमा रहेको जुनसुकै मूल्यबाट पहिलो कारोबार सुरु हुन सक्ने छ। नेप्सेले कम्पनीको पहिलो कारोबारको लागि कम्पनीको नेटवर्थको ३ गुणासम्मको मूल्य तोक्ने गरेको छ ।