सुनको भाउ बढ्यो,

काठमाडौं – आज बुधबार सुनको भाउ बढेको छ । मंगलबार प्रतितोला १ लाख १२ हजार ५ सय रुपैयाँमा कारोबार भएको छापावाल सुन आज तोलामा २ सय रुपैयाँले बढेर प्रतितोला १ लाख १२ हजार ७ सय रुपैयाँमा कारोबार भइरहेको जनाएको छ।

आज तेजावी सुन पनि तोलामा २ सय रुपैयाँले महँगो हुँदै प्रतितोला १ लाख १२ हजार १५० रुपैयाँमा कारोबार भइरहेको छ । चाँदीको भाउ भने प्रतितोला १ हजार ४ सय २० रुपैयाँमा स्थिर छ ।

नेपाल सुनचाँदी व्यवसायी महासंघले आज प्रति १० ग्राम छापावाल सुनको भाउ ९६ हजार ६ सय २० रुपैयाँ, दश ग्राम तेजावी सुनको मुल्य ९६ हजार १ सय ५० रुपैयाँ र प्रति १० ग्राम चाँदीको मुल्य १ हजार २ सय १७ रुपैयाँ ५० पैसा कायम गरेको सुन चाँदी व्यवसाय महासंघले बताएको छ ।